[自由講】「罷工醫人」神療法

那個最近才成立,自稱 「代表醫護」 的醫管局員工陣線,帶領數以千計的公立醫院醫護人員,由周一(2月3日)開始罷工,話係迫使政府“全面封關”喎!

這所謂工會的發言,常常令我摸不著頭腦,可能太高深啦!

話說周二那天,他們那個「主席」余慧明公開講「醫護人員並沒有離開崗位,是用罷工手法醫人,守護著香港」。當時我聽到真的「滴晒汗」!沒有離開過崗位?罷工可以醫人?手術無得做,病人癌症隨時擴散,都話可以守護香港, 唔通罷工真係可以醫人?昨天,那工會催促醫管局與他們談判,若傾唔掂數,會「延長罷工」,甚至「集體辭職」。

在正式被炒前,自己辭職, 辦公室好常見,而且比較方便辭職者搵下一份工。不過黑醫護如果真係夠膽「集體辭職」,搵新工時,要點樣解釋辭職理由?

轉工達人文公子建議,黑醫護再見工時(如有),可以講因為當時用罷工醫人,而院方同病人都唔接受呢種「神療法」,所以憤而辭職!仲要講係「和理辭」的正義行為,係「守護緊香港」未來的醫療體系,屬於非常偉大的「以攬炒來拒絕攬炒」的自我攬炒行為,是新的經濟理論!

香港私營醫療體系,有黃色經濟圈成員嗎?就算有,又會有老闆,肯冒險請疫症前罷工的倒米員工嗎?

文公子建議其實黑醫護「和理辭」後,應該夾錢成立醫療集團,推動「罷工醫人」神療法。在黃色經濟圈效應下,相信一定有其門市,而且輕易攞到「全球專利」,搵到美國台灣日本的VC入股,在紐約台北同東京交易所上埋市……睇來仲應該可以攞埋今年的諾貝爾醫學獎!

真係諗起都戥佢哋未辭職先興奮!好期待睇下黑醫護集體辭職會有「幾集體」?
🤣🤣🤣🤣🤣🤣🤣

文公子
香港網台節目主持人及專欄作者,於廣告、公關及市場推廣擁有逾30年經驗。「因為社會上正能量的聲音往往被扼殺禁聲,所以才得閒寫幾筆而已。」

Chinese
English Chinese