【自由講】提出逆向隔離,超哥咁先係波?

農曆七月已過,但係近日居然見到好多人都見唔到嘅嘢!😓😓😓

請放心!唔係見鬼講恐怖鬼古!

近日不停有人話:超哥好嘢!超哥咁先係波!超爺冇得頂!比卡超最醒!為乜嘢事讚得咁緊要呢?

原來係特首接受民建聯政黨建議香港做「逆向隔離」。

咁樣特首向內地推介逆向隔離計劃,利用落馬洲河套區起隔離區域,給有意返內地的市民首先在港完成隔離才直接返回內地之用。

港區全國人大代表譚耀宗仲好似好興奮咁向傳媒講,內地有關政府官員反應正面。

咦!咁樣好事喎!做乜我柴台啊?

首先要知道既事情,內地現在冇遊客,內地酒店多不勝數,酒店多過米舖,多過超市及七仔。你哋認為大陸冇隔離酒店?所以每日香港返回內地有配額限制?有咁樣諗法嘅政客及市民真係太膚淺啦!

內地政府係怕你哋班人帶來走漏了的病毒啊!用限量房間去管制入境人數,限制一定程度可控嘅配額,以免累街坊啊!香港及大陸政府網站從冇官方公佈每日由香港經深圳灣入境內地的名額,只係聽到坊間說每天名額限量2000左右,筆者聽朋友說這只是表面的數字,實際數字控制在大陸手上。

呢點又係聰明做法,深圳隔離酒店由政府全權安排,隔離人士不可自行訂房,所有預訂要經過深圳隔離酒店房間網上系統「健康驛站」預約,預約成功後才能從深圳灣口岸入深。政府只需控制隔離酒店數量便掌握入境人數,因此每日究竟有多少人可從香港入境深圳是沒有人知道的。 

圖為深圳灣口岸排隊出境旅客,內地政府每天僅提供2000名額給港人經深圳灣口岸北上,名額嚴重不足。申請人通過深圳隔離酒店房間網上預約系統「健康驛站」預訂,隨機分派,據傳媒報道中簽率只約10%。9月1日特首李家超公布得到內地政府支持其提出的「逆向隔離」入境方案。按照特區政府建議,為了滿足內地“7+3”的檢疫要求,港人士可先在香港境內的落馬洲河套區隔離7天後閉環進入深圳入境,此舉便無需佔用內地隔離酒店名額。特首的計劃會否成功呢?圖片:餘俊亮/HK01

有讀者問到不明白「逆向隔離」是什麼意思,也有網民說笑:「逆向這個詞以往是用來形容逆向歧視,是有關同性戀的議題,現在逆向被用作抗疫「隔離」之用,政府創意無限!」再找尋資料,謎底終於打開——原來是民建聯想出來的!該黨更在李特首公布「逆向隔離」建議後,發宣傳單張「領功」,稱是他們於3月向政府提出的。究竟這個「逆向隔離」計劃會否胎死腹中,我們拭目以待。圖片:網上


明白了嗎?!

所以河套區逆向隔離只能慳咗荷包冇咁傷咋!只係政府比錢資助隔離,咪以為可以日日放萬萬聲啊!況且河套區起到幾多獨立隔離房間?真係唔想督爆哂,但係又睇唔過眼!如果連政客都分別唔出國內為什麼要限入境人數,他們真是呃飯食!😆

建制派政客真係好似呀媽教仔咁:阿仔,乖乖地温習,放假帶你去鯨魚樂園玩,但係唔講鯨魚樂園門口已經有幾萬人排緊隊,而樂園每日只能接待2000人!

事實會話俾你知你等到天光都冇得進入樂園玩囉!


Terry Ng

中年漢,曾經有兩次小成功,天生有超强正義感,敢言不畏縮!最憎政客誤導群眾!

讀者來稿


本文表達的立場只代表作者的個人意見,不代表本報的立場。

1
1
1
1
請分享文章,支持我們:

發佈留言

發佈留言必須填寫的電子郵件地址不會公開。 必填欄位標示為 *

Captcha loading...