曾經試過大陸Sim卡失效，打電話到大陸的中國移動公司查詢，原來是保安理由規定要更換新卡。
為了辦新卡，特別請了幾天大假去辦理，順便探望老人院。
帶齊了辦理所需文件和証件，中國移動的櫃台職員要查看身份証、回鄉証，還有合約，然後。。。
阿謝生，你個回鄉証點解後面數字唔同左？
我説因為更換了回鄉証。
謝生，你有無更換回鄉証的証明，你回鄉証唔同左，我地無辦法幫你辦理。
小姐，你可以查一下，後面數字變化是代表更換次數
你點講都得啦，總之號碼唔同左，就無辦法証明係你本人，辦唔到！
小姐，我有開卡的文件。
我點知份文件係咪你執返黎架！
小姐，就算我份文件執返黎，我都不是拿你們的錢，我是辦卡給你們錢！
你証明唔到就辦唔到，唔好阻住後面。
我。。。找老人院院長幫忙
只見院長打了一個電話。。。張總你好呀，有位香港同志成日上黎慰問長者，好有心，今日去你街區個移動換卡，有職員話身份証唔同左唔肯辦理。。。個名叫謝XX。。。係呀經常來。。。第日請你食飯。
然後院長跟我説，剛才那位張總是順德中國移動負責人，張總已經通知所有營業廳，你去任何一間説你係謝XX，立即會有人幫你辦妥。。。
結果，我刻意不拿出回鄉証等文件，只是對其中一名營業員説我叫謝XX，張總已經通知你們吧。。。結果馬上給我辦理一張新卡，辦完離開，沒問過我拿回鄉卡和其他文件看。。。
Anson.T