宏福苑原址明明本身已經有晒地基規劃 ，馬上重建就可以，又係本身居民自己選擇買嘅地方，唔明點解死要覓地重置居民，要搬去啲山旮旯墳場地，覓完地又要做地基又要規劃，需時仲耐過原址重建，居心何在‼️
從來冇部門問過我地想要咩安排，一直都係居民自發性去做聯署，唔係正式公開每人投票都有咁多人聯署，但就選擇聽唔到睇唔到，搵幅垃圾地段換我地宏福苑幅地，帶風向話陰氣重冇人敢住，而家搵一幅垃圾地喺個墳場隔離，好意思話唔重陰氣，話原址有心理陰影！我嘅心理陰影係大維修、圍標、政策，並唔係個地方！
明明原址已經有一笪熟地，死都要搵其他地方去取代，居心何在？原址先係居民本身滿意比錢去買嘅地方，環境、觀景、交通便利，各方面唔係你哋所建議垃圾重置地方。
唔好再亂代表我地，喺就搞一次「居民正式投票」，睇吓有幾多人揀你哋所提議嘅地方！
從大維修開始一路發現唔同問題，向唔同部門反映，都冇部門正式處理，到而家災後一個月，居民自發性做聯署，但係都冇部門正式正視我哋嘅問題，btw而我不知道羅曉楓是誰‼️
Jan Kan
宏福苑居民
相關文章：