不少傳媒涼薄地着眼於政府應否用公帑於宏福苑安置上，令人感到人情冷暖，有一個路見不平的市民，發了一個信息給我們，內容代居民反駁政府！
他說：「我只是睇唔過眼的香港市民，或者論資排輩論不到我代宏福苑居民出聲，但我只係心痛佢地有相當一部分人敢怒不敢言，處於極度被動嘅地埗，而且可能一世都睇唔到有公義判決嘅一日。」
香港有好多好人，讓我們在這爭取公義的路上，不再孤單。這人希望匿名，雖然大家不知道他的名字，但從他的字𥚃行間，讓人感到他是「暖男」！
以下是他寫給我們的信，反駁高官的歪理、安置方案的不公義！
***
致透視報：
明白有好多人未必理解你地報道手法。但我必須要講，如果唔係你地做到「篤眼篤鼻」嘅作用，好多居民依然被蒙在鼓裡，唔知道自己應有嘅法律權利。
今日記者會上高官居然用「住九至十年會有感情而唔想遷回」作為否決原址重建嘅理由，其實矛盾非常，住墳地隔離十年就會有感情，住宏福三四十年嘅感情係可以政府話我無就無？想原址安置嘅好多居民都係念在街坊街里感情先會希望有呢個安置選項。
其實依小弟愚見，邊個方案嘅費用多寡，係咪大部分居民都有支持「原址遷回」，係政府眼中都唔係重點。佢地著眼嘅係件事拖得越耐，社會嘅不穩定因素就一日都存在；對佢地而言，呢個只不係一個「國安風險」，拖得一日就會發酵多一日，而且「快刀斬亂麻」仲可以有「急居民所急」嘅道德高地。所以明眼人都睇到點解會咁多打手將其他選項同原址修復遷回推向對立面。但我同你地一樣，一向都唔覺得要全數業主服從「最大公約數」，而係應該有多過一個安置選項。
現今香港，好多野都係不可抗力，但無論最後安置方案幾咁不盡居民意願都好，希望你地會繼續追查所以有相關責任人士，唔好比任何一個需要問責嘅人走得甩！
支持你地嘅香港市民敬上
***
現在再細讀他的信，原來寫得那麼真心，情感真摯，讓我們很感動，眼有淚光！
這就是愛！
Sherry Lee
透視報主編