夠晒頂癮
內地遊客土瓜環街頭食兩餸飯盒
成為熱辣話題
個旅遊監管局監管女士評說唔好睇
而家傳話係公廁旁食杯麵都俾人評論話唔好睇
真係嘖嘖稱奇了
公廁邊食嘢有咩問題啊
歷來都係公廁邊啊買車仔麵呀買牛雜啊
維園球場糖街北角碼頭油麻地數埋都係
唔好睇唔好睇但係個個食到肥屍大隻
由來已久捧住雪糕周街食好唔好睇
上環普仁街觀音廟附近個公廁十尺之距成間茶餐廳喺度
灣仔中區蘭桂坊啲清吧
人客就是聯合國的款式
揸住杯啤酒喺張高枱篤下件牛腱飲飲食食喺個路邊啊好唔好睇呀
萬法唯心講得最好
香港到底文明唔會公開食狗肉先啦
深水埗鴨寮街最聚人啊
鴨寮街個公廁大到成幢樓係人見到
一落去地下行兩步啊就係飲飲食食啊啲人周街食呀好唔好睇呀
這種水平的旅遊監管真係笑壞人囉
最好笑人哋帶團友買兩餸飯都要檢討喎
個旅行團話第二次唔會咁喎
賣兩餸飯嘅人好似失禮全城咁喎
如果俾我講你旅遊監管局係咪要多謝我呀
價廉物美大件夾抵食我理得你踎喺度食你喺公廁食酒店食
好好笑呀這就是香港現時的氛圍
周街食
作者後話：
班官水平太低
依照佢哋咁講法即是話迫爆廣東道買CHANEL名牌就係好
派籌買勞力士就係精彩
他們的心中覺得這就是香港價值
如果係咁樣嘅話呢就全個香港起晒IFC
元朗都起碼起晒金鐘嗰啲太古廣場
天水圍屯門唔應該有大排檔最好全部係Starbucks鏞記深井燒鵝陳記