今天又去針炙了，在診所等候時聽到以下對話。
阿叔A：姑娘，可唔可以用消費券？
診所姑娘：可以，你先登記啦。
阿叔B：你話呢個政府幾衰，派錢都派得衰過人，一次過派咪好囉！
阿叔A：肯定係林鄭呢個女人主意，當市民乞兒。
阿叔B：中央都知佢衰，唔俾佢連任，我估等佢做埋呢兩個月就會叫國安拉佢。
阿叔A：死都唔肯全民檢測，害死成萬香港人，判死刑啦！
C9：阿叔，你唔係呀？咁都入埋林鄭數！
阿叔A：國泰播毒係佢唔把關，唔肯全民強檢又係佢，死左咁多人係咪應該追究責任！
C9：阿叔，政府唔係佢一個話哂事架！
阿叔B：特首黎架，佢話唔到事邊個話到事？
C9：你知唔知政府有幾多部門呀？
阿叔A：林鄭係阿頭，個個部門都係聽佢指揮，你有無聽過問責呀，你啲女人乜都唔識學人講政治！
阿叔B：呢啲女人咪最容易俾人洗腦囉，娥粉黎架。
C9：你咁巴閉識政治，做乜唔去參選特首呀？話唔定李家超都輸俾你！
醫師：呢度唔係立法會，識政治就去參選，入到立法會先講，唔好喺度嘈！會影響其他病人！
嘩！醫師好野！俾個Like你！
蟲蟲